28 aprel 2025, Toshkent, O’zbekiston — Humans kompaniyasi Ijtimoiy himoya milliy agentligi bilan birgalikda Humans for Humans yordam platformasini ishga tushirganini e’lon qiladi. O‘zbekistonning istagan fuqarosi Humans ilovasidagi "Odamlarga yordam" bo‘limiga kirib, vasiylikdagi shaxsni - oila, mehribonlik uyi, keksa yoki nogironligi bo‘lgan shaxsni tanlashi va yordam berishi mumkin: vasiylikdagi shaxsga oziq-ovqat savatchasi, maishiy texnika yoki eng zarur narsalarni yuborish. Ijtimoiy himoya milliy agentligi vasiylikka olinganlarning ehtiyojlari to‘g‘risida ishonchli ma’lumotlarni oldindan to‘playdi, shunda har kim o‘ziga kerakli narsani oladi.

Ayni paytda platformada quyidagilarga yordam berish mumkin: 

• Bolalar - bu toifaga bolali oilalar, ko‘p bolali oilalar, shuningdek, oilaviy, hududiy va viloyat bolalar uylari kiradi;
• Qariyalarga - yolg‘iz keksalar, keksa qarindoshlari bo‘lgan oilalar, shuningdek, qariyalarni ijtimoiy qo‘llab-quvvatlash markazlari;
• Ulug‘ Vatan urushi faxriylari - jangovar harakatlar ishtirokchilari, shuningdek, tarixning eng dahshatli sahifalarini - konslagerlarda bo‘lish va Leningrad qamalini boshdan kechirgan insonlar;
• Og‘ir hayotiy vaziyatga tushib qolgan odamlarga - birinchi navbatda, bu qiyin ahvolga tushib qolgan kam ta’minlangan oilalardir;
• Nogironligi bo‘lgan shaxslar - qo‘llab-quvvatlashga muhtoj I va II guruh nogironligi bo‘lgan vasiylikdagi odamlar.

Ijtimoiy himoya milliy agentligi noyob tajribaga va O‘zbekiston aholisining ijtimoiy ehtiyojlarini chuqur tushunishga ega, shuning uchun yordam faqat foyda keltiradigan joylarga yo‘naltiriladi. Har bir oila, tashkilot yoki vasiylikka olingan shaxs uchun platformada ular uchun zarur bo‘lgan mahsulotlar ro‘yxati bilan shaxsiy profil yaratilgan - bular 15, 30 yoki 45 kunga mo‘ljallangan oziq-ovqat savatlari, maishiy texnika, elektronika, shuningdek, kundalik ehtiyoj buyumlari. Vasiylikka olinganlarning ehtiyojlari haqidagi ma’lumotlar platformada real vaqt rejimida yangilanadi.

«Humans bilan qo‘shma loyihamiz zamonaviy, ongli va manzilli yordam sari qo‘yilgan muhim qadamdir. Bu ijtimoiy innovatsiya bo‘lib, yordamni kundalik hayotning bir qismiga aylantiradi. Humans’ning texnologik imkoniyatlari va ijtimoiy sohadagi tajribamiz tufayli, yordam haqiqatan ham zarur bo‘lgan joyga - tez va odamlar uchun maksimal foyda bilan yetib boradi,» - deya izohlaydi Ijtimoiy himoya milliy agentligi matbuot kotibi, axborot xizmati rahbari Dilfuza Ro'zmetova.

Bugungi kunda platformada 1500dan ortiq vasiylikdagi va 100ga yaqin tashkilotlar ro‘yxatdan o‘tgan. Loyiha geografiyasi Toshkent shahri va Toshkent viloyati, shuningdek, Namangan, Jizzax, Surxondaryo, Buxoro, Farg‘ona, Samarqand, Qoraqalpog‘iston Respublikasi va O‘zbekistonning boshqa hududlarini qamrab oladi.

«Biz Humans’da texnologiyalar nafaqat kundalik hayotni osonlashtirishi, balki yaxshilik qilishga ham yordam berishi kerakligiga ishonamiz. Yaqinlarga g‘amxo‘rlik qilish O‘zbekiston madaniyatining bir qismi bo‘lib, bizning vazifamiz yordam berishni xohlovchilar uchun qulay vosita - zamonaviy platformani yaratish edi: manzilli, tez va oson. Aqlli ravishda. Humans for Humans - bu bizning O‘zbekistonda o‘zaro yordam va qo‘llab-quvvatlash madaniyatini rivojlantirishga qo‘shgan hissamizdir. Agentlik bilan birgalikda biz yordam berish onlayn xarid qilish kabi oson bo‘lgan platformani yaratdik - lekin bu kimningdir hayotini o‘zgartiradigan yordamdir,» — dedi Humans Group bosh direktori va asoschisi Vladimir Dobrynin.

Platforma qanday ishlaydi:

• Foydalanuvchi Humans ilovasidagi "Odamlarga yordam" bo‘limiga kiradi, vasiylikdagi shaxsni tanlaydi, uning profiliga o‘tadi va u muhtoj bo‘lgan mahsulotlar ro‘yxatini ko‘radi;
• Mahsulotni tanlaydi, buyurtma qiladi va uni istagan bank kartasidan to‘laydi. Humans buyurtmani yetkazib beruvchidan oladi va kuryer uni shaxsan vasiylikdagi shaxsning qo‘liga yetkazib beradi;
• Yetkazib berilgandan so‘ng, buyurtmachi tanlangan mijozga yetkazib berilganini tasdiqlovchi push-bildirishnomani oladi;
• Yetkazib berish to‘g‘risidagi ma’lumotlar Agentlik reyestrlarida aks ettiriladi, bu esa barcha ro‘yxatdan o‘tgan shaxslar va tashkilotlarning ehtiyojlarini boshqarish imkonini beradi.

Foydalanuvchilarga qulaylik yaratish maqsadida platformada Zakot kalkulyatori mavjud bo‘lib, u daromad darajasiga qarab ehsonning aniq miqdorini hisoblash imkonini beradi.

Har chorak yakunlari bo‘yicha platformada yetkazib berilgan buyurtmalar va yordam ko‘rsatilganlar to‘g‘risida hisobot e’lon qilinadi. Bu jarayonning to‘liq shaffofligini ta’minlaydi va qo‘llab-quvvatlash unga muhtoj bo‘lganlarning hayotini qanday o‘zgartirayotganini ko‘rish imkonini beradi.

O‘zbekiston Respublikasi Prezidentining "Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida"gi Farmoni bilan O‘zbekiston Respublikasi Prezidenti huzuridagi Ijtimoiy himoya milliy agentligi tashkil etildi. Agentlik aholini ijtimoiy himoya qilish va ijtimoiy xizmatlar ko‘rsatish sohasida yagona davlat siyosatini ishlab chiqish va amalga oshirish bo‘yicha vakolatli davlat organi hisoblanadi hamda o‘z faoliyatini boshqa davlat organlari va tashkilotlar, ularning mansabdor shaxslaridan mustaqil ravishda amalga oshiradi. Agentlik missiyasi - Professional ijtimoiy xizmatlar va ijtimoiy yordam.

Matbuot xizmati: Ro‘zmetova Dilfuzabegim Polvonnazarovna D.Ruzmetova@ihma.uz 

Humans.uz - Humans Pay to‘lov va pul o‘tkazmalari xizmati, Humans Mobile uyali aloqa xizmatlari, bozorlarda oziq-ovqatlarni yetkazish servisi Humans Yaxshi va mahsulotlar marketpleysi Humans Market’ni birlashtirgan super ilova. Loyiha 2020-yil iyun oyida O‘zbekistonda Humans Group doirasida ishga tushirilgan bo‘lib, u AQShda Humans.net xodimlarini qidirish platformasini ham ishlab chiqmoqda. Guruhning ofislari AQSH, O‘zbekiston, Polsha, Singapur va Germaniyada joylashgan. 

Matbuot xizmati: pr@humans.uz**